Endeleg er vi i ”siget” og planar, pensum, praktisk info, utstyrslister m.m. byrjar å kome på plass. Vi ser fram til å møte gruppa som pr. i dag utgjer 10 studentar. Som nokre allereie har fått informasjon om - er fyrste (og einaste samling) i veke 38, og vi reknar med at heile veka går med, i og med at reisetid for somme må reknast inn. Den fyste veka vil vere ei blanding av tekniske og praktiske kurs/ øvingar, sosiale arrangement (kveldstid), informasjon om det organisatoriske samt meir teoretiske problemstillingar som Visuell kommunikasjon og visuell kultur (barn og unge). For detaljar om oppstarten: sjå plan her!
Halvårsplan vert utdelt i veke 38, men om de er interesserte i fagleg innhald og pensum er det nyttig å ta ein titt på fagplanen. Denne finn de på:
http://hivolda.studiehandbok.no/studentar/content/view/studiehandbok/20063
Pensum treng de ikkje ta med til samlinga, men å handle bøker er sjølvsagt ein fin måte å byrje studie på. Det er nyttig å bla litt i bøkene før de kjem. Om de har andre spørsmål om studiet sitt faglege innhald kan de ringe emneansvarleg Karen Brænne 70075329.
Viktig informasjon nett no: Alle møter ved Høgskulen i Volda måndag 14. september. Vi møter på studieromet (like ved teiknesalen) på Kårstad huset (den gamle ærverdige delen av HVO) kl 13.00. Alle må ta med digitalt kamera (gjerne enkelt kompaktkamera) samt eigen bærbar PC (ikkje eit krav, men for dei av dykk som har). I tillegg til dette ynskjer vi at de også tek med halvårsplan/skisse for den undervisninga de skal inn i på dykkar arbeidsplass.
Overnatting for dei som treng det, er allreie booka på Volda Turisthotell. Det er fint om de kan gje ei tilbakemelding på om de treng rom til studiekoordinator Thorstein Vasset 70075252. Om de har spørsmål om andre praktiske detaljar ved opphaldet i Volda er det berre å ringe oss!
Velkomen!
måndag | tysdag | onsdag | torsdag | fredag |
Vi startar opp!! Frammøte studierom (ved teiknesal) kl 1300 Studieinfo og organisering, presentasjon | 0915 Innføring: Visuell kommunikasjon og visuell kultur v/emneansvarleg | 0915 Den digitale dagen: Fronter, Fotofilter studio, scanning m.m. | 0915 Visuelle verkemiddel og visuell bodskap; Praktiske oppgåver v/emneansvarleg | 0915 Oppsummering og komande utfordringar |
1700 Felles middag på studenthuset Rokken | Heile dagen fram til 1600 | Heile dagen fram til 1800 | Heile dagen fram til 1600 | Vi avsluttar med felles lunsj kl 12.00 |
Kulturkveld | Kvelden vert disponert fritt | Sosial aften |
her!!!!!
Ingen kommentarer:
Legg inn en kommentar