Oppstart vårsemester 2012

Hei! eg er lærar på neste studium, Visuell kommunikasjon - for lærarar. Oppstartveke blir veke 6, altså frå 6.-10. februar. Nærare info om innhald og detaljert semesterplan får de fyrst på samlinga, det viktige no er at de frigjer denne veka. Eg ynskjer å kommentere og forklare planen når den vert utdelt så der ikkje oppstår misforståingar. Vi startar mandag 6.02 kl. 12.00, på teiknesalen, og avsluttar fredag kl.14.00. De må rekne lange arbeidsdagar, truleg noko kveldsarbeid. Eksamen dette semesteret er 23.05 (skriftleg oppgåve) og 31.05 (praktisk mappe innlevering). Eksamen vert levert på nett, i Fronter. Velkomne til samling!

Siste leksjon!

Då ligg den aller siste leksjonen i Rom Arkiv. Ver snille og les beskjeden eg har lagt ut i Fornter ang. leksjonen. Takk!

Eksamensoppgave 3D

Eksamensoppgave og utfyllande melding ligg no i fronter

Leksjon 6

Leksjon 6 er lagt ut i fronter. Ingen arbeidskrav er lagt til denne legsjonen. God lesing!

Eksamensinformasjon KOH 119N

Vi har lagt ut informasjon om eksamen i fronter. Velkomen til Volda i veke 50!

Leksjon 5

Hei igjen der ute! Leksjon 5 er lagt ut i frontermappe. Denne har eit arbeidskrav med leveringsfrist i fronter seint på dag 1. desember. Eg kan lettast nåast for rettleiing på thorvass@hivolda.no.
Lukke til.

Lærarbloggen

Vi ser at nokre av dokke ikkje er medlem på lærarbloggen, det hadde vore greit om de alle var medlemmar her. Då kan de også kommentere det vi legg ut av ulike meldingar i lærarbloggen. Vi ser at de ofte nytter "diskusjonsforumet" for studentar i fronter, dette les vi lærarar sporadisk. DERFOR: kommenter her i lærarbloggen dersom de lurer på eit kvart i høve framdrift og innhald i leksjonane.

Framdrift leksjonar

Vi har blitt gjort oppmerksame av Nadine om at framdriftslista for leksjonar er noko uheldig "stokka" i høve datoar. Vi ser at det her har vore ein glipp og ber om orsaking for dette. Lista er no endra, og i tillegg er det påført eksakte eksamensdatoar. Still gjerne spørsmål i lærarbloggen om noko no er uklart. OG vedk. bloggen så saknar vi litt "leksjonsinnlegg" frå nokre av dokke. Lukke til.

Leksjon 3

Hei!
Då er vi tilbake i Volda med varme og inspirasjon i bagasjen. I alt som skulle gjerast før avreise, ser eg at eg har hatt ein glipp i forhold til å legge ut beskjed i Lærarbloggen, i tillegg til beskjeden på Fronter, om at leksjon 3 er ute. Men eg håper de likevel har funne han!

Angåande rettleiing knytt til leksjonen: Fint om de sender ein mail i dag dersom de ynskjer rettleiing i morgon. Eg har ein del møter i dag, og er dermed ikkje på Skype heile dagen. Dersom de ynskjer rettleiing komande veke, må det verte på mandag 31.10 eller tysdag 1.11 før kl 10:00. Så ver snille å gi eit vink om når de ynskjer tid hos meg.

Leksjon 2

Hei igjen studentar. Leksjon 2 ligg no i fronter, lukke til. Og etter samtalar med nokre av dokke vil eg pressisere fylgjande: I oppgåve 4 i leksjon 1 er det nok å teikne 1 fasadeteikning. Vidare skal oppgåvene leggast i innleveringsmappe i fronter, OG de vel sjølve ut ei av oppgåvene og legg denne i bloggen vår..

Leksjon1 arkitektur

Hei dokke 5, då er leksjon 1 lagt ut i frontermappe. Les godt informasjonen på 1.sida i leksjonen. Lukke til!

Hei 5-kløver!

Då har dokke funne bloggen vår. GRATULERER og velkomen hit!
Og lukke til med hektiske kurstimar. (Ta det roleg no da Kjell...)

Teoretisk eksamen

Takk, då er teoretiske eksamen registrert som mottekne frå dykk alle.
God helg!

Eksamenssamling

Sjå nærare beskjed i Fronter.

Godkjenning av arbeidskrav 3

Eg har no gått gjennom svara de har lagt inn på arbeidskrav 3. Det er gjeve tilbakemelding pr mail til dei som ikkje har fått arbeidskravet godkjent på fyrste forsøk. Så ver venlege å sjekke postkassa.

Skulpturarbeid

No skjer det mykje spennande i enkelte bloggar. Legg inn foto og gå og kommenter til kvarandre. Her er det også litt å hente når de les mine innspel til dei enkelte prosjekta. Det ligg mykje gid læring i å fylgje andre sine prosessar! Så oppmodinga er - del!

LEKSJON 2 INNSPURT

Frontermappa stenger torsdag 5 mai kl 14.50, dette er fristen for alle innleveringane i leksjon 2. Eg reiser på Yksnøya med BA-studentane og er ikkje tilgjengeleg etter i dag og fram til fristen går ut. Dette til orientering. Nyt våren!

Hei
Jeg la ut leksjon 4 i fronter på fredag. God lesing og lykke til med arbeidskrav 4 :)
Janne

Sjå melding i Fronter.

I fronter ligg det no ein oversikt over kva som gjenstår av leksjonar, arbeidskrav og eksamenar.
Tid for innspurt, tid for planlegging :)

Håper de har fine vårdagar!

Skulpturoppgåver

Hei alle!
Ser at eit par av dykk er i gang med skulpturarbeid. Bra! I leksjonen stod det oppmoding om at de legg ut litt foto også undervegs, sjølv om arbeidskravet krev foto i bloggen kun av sluttprodukta. Håper å sjå spanande skaping etterkvart!!

Vidare føler eg behov for å poengtere at skulpturane de leverer bør ligge på eit godt nivå formalestetisk og handverksmessig. Dette skal ikkje berre vere tredimensjonale skisser, men skulpturar som har gode materialkombinasjonar og lekre samanføyingar, sjølv om dei er laga både av verdilaust materiale og objet trouve. Det er slik dette kan løftast til å verte noko meir enn "artige figurar". De må vere bevisste på, og ikkje tape formalestetikken og handverket av syne, sjølv om de har ei leikande tilnærming i skapinga og ideen bak skulpturen står sentralt. Studer bildeeksempla i leksjonen! Lukke til!

LEKSJON 2

Hei,
har fått eit par spørsmål om kva som er arbeidskrava i leksjon 2.

Biletanalyse
Kort oppsummert er øvingane i formal biletanalyse ikkje arbeidskrav, men eit tilbod om fagleg tilbakemelding. Arbeidskravet finn de heilt til slutt i dokumentet om biletanalyse.

Skulptur
Oppgåva har to element; fullstendig analyse av ein skulptur og ein power-point presentasjon med formidling av skulpturen som fokus.
Det er same skulpturen i begge oppgåvene, dvs det er skulpturen du har analysert som skal formidlast!
Det er  to dokument, eit worddok med analysen og ein ppt til bruk i formidling. Element frå analysen må sjølvsagt med i ppt.

Sidan eg skal til Athen veka etter påske og på Yksnøya med Bachelorstudentane med LANDART-prosjektet første veka i mai, er 5 mai ein passande siste innleveringsfrist for alt i leksjon 2. Mange har allereie løyst oppgåvene, og det er berre å legge dei inn etterkvart. Eg gir tilbakemelding fortløpande.

Arbeidskrav 1

Hei! Alle skal i løpet av dagen ha fått tilbakemelding i forhold til arbeidskrav 1 pr mail. Ta kontakt dersom de lurer på noko! God helg!

Leksjon 3 på plass!

...seint men forhåpentlegvis godt. Ver snille - ring og mail dersom de lurer på noko knytt til oppgåvene. Eg gler meg til å sjå kva de får ut av dette :) Leksjon, oppgåver og fristar - alt er samla i eitt dokument i RomArkiv. Lukke til! I morgon skal stive dataskuldrar kvile her, for då stikk eg til fjells med førskulelærarstudentane for å lage funksjonelle snøskulpturar! :)

Leksjon 3

Leksjon 3 med tilhøyrande oppgåve vert lagd ut mandag. God helg!

LEKSJON 2 skulpturdelen

Då har eg ikkje tenkt å legge inn fleire dokument i RomArkivet. Håper de finn dei dokumenta som er lagt ut relevante for å løyse oppgåva. Om de har bruk for rettleiing, ta kontakt. Lykke til i dette spennande feltet!

Hei!

Takk for postpakkar!
Gleder meg til å gå inn i prosessane dykkar.
De vil få tilbakemelding pr mail i løpet av veke 13-14.

SKULPTUR

Artikkel om skulptur i skulen ligg i RomArkivet i Fronter.

God lesnad!

Leksjon 2

Leksjon 2 skal omhandle biletanalyse og skulpturanalyse. Biletanalysen ligg no klar i RomArkiv i Fronter. Skulpturdelen blir publisert om nokre få dagar. Lykke til og god helg!

Kva kan reknast som popart?

Dette spørsmålet har meldt seg, både i dykkar gruppe, og i studentgruppa i Volda som også jobbar med sjølvportrett. Eg vil gje nokre korte innspel til dette. Då eg opna for å bruke foto i skisseprosessen fram mot eit endeleg motiv/portrett, var dette for å avhjelpe dei som eventuelt ikkje meistrar å teikne eit portrett med likskap til fulle. Men - ein skulle trass i val av digitalt verkty likevel dokumentere ein fullverdig skisseprosess. Prosessen skal synleggjere vala og bortvala du gjer undervegs, så printing både tidt og ofte blir då viktig. Det som fort har kome på bana, er ferdige program som ved eit tastetrykk ( og litt til..) gjev det eit såkalla popartbilde. Og det er her spørsmålet reiser seg. Kan ein kalle det popart ved å bruke eit program som legg eit farga filter over fotoet ditt??

Eg vil ikkje umiddelbart svare ja på dette. Sei gjerne at du har laga eit bilde som tildels kan ha visuelle likheitstrekk med td. Andy Warhol sine bilde, eller at du lagar bilde som gjev uttrykk som liknar sjablongtrykk. Men eg føler det vert feil å kalle bildet popart. Som ledd i oppgåva skulle de gjere dykk kjende med retninga, -isma eller epoken de valde. Kva låg bak desse visuelle uttrykka? Idar i tida? Motreaksjon mot ei tidlegare retning eller verkelegheitsoppfatning?

Poparten tek utgangspunkt i mennesket som offer for konsum og reklame. Ironi, sarkasme, sentimentalitet, distanse er framtendande element i kunsten. Popkunsten rommar så utruleg mykje meir enn Andy Warhol sine kjende visuelle uttrykk. Konturlinjer, reine, enkle flater og linjer, trekk frå teikneserie, maling på foto, konsumgjenstandar, avfall, symbol, bokstavar, tiekn, firkantar som uttrykk of fjernsynsskjermar, skrikande,dristige fargar osb. er alt typisk for denne retninga. Poparten er ei retning som knytta seg til livet og livsrytma i dei store, moderne byane. Roy Lichtenstein: "Det som karakteriserer popart er fremfor alt dens bruk av alt som blir foraktet."

Med dette som bakteppe vert det for enkelt å la eit foto som har vorte lagt til eit farga filter i eit "popart program" få nemninga popart. Forstår de kvar eg vil hen? Vi kan vere inspirert av det visuelle uttrykket av poparten, men det vert ikkje popart av den grunn. Poparten går som dei aller fleste andre retningar mykje djupare enn til det visuelle uttrykket .

Så - enten du har valt popart eller ei anna retning, vert det viktig at du i dokumentasjonen din kan seie noko om kva idear som faktisk ligg bak det visuelle uttrykket i retninga. Og ikkje minst - at du er i stand til å setje ord på kva trekk frå retninga du bevisst har valt å synleggjere i ditt maleri. Og som sagt tidlegare - at også ein digital skisseprosess må vise dei ulike stega frå fyrste utkast og til ferdig motiv - vise utviklinga og dei ulike stega i prosessen.

Håper dette kunne vere nyttige innspel i innspurten! Lukke til!

LEKSJON 1

Hei!
Då er leksjon 1 å finne i Fronter.
God lesing og god helg!

Hei igjen!
Ser at eg har fått inn berre tre evalueringar av oppstartveka. Fint om de kan sende nokre korte ord til ashs@hivolda.no om t.d organisering, mengde arbeid, innhald, relevans.

Eg har undervisning i heile dag, men vil vere innom Skype i pausane.

Ha ein fin dag!

Revidert plan over leksjonar og arbeidskrav finn de no i Fronter.

Litt info

Beklagar fyrst at Leksjon 1 vart utsett ei veke. Dette grunna sjukdom.

De fekk ein oversikt på samlinga over når kvar leksjon vert lagd ut. Det har kome ei endring på denne oversikten. Revidert versjon vert lagd i Fronter i morgon.

De vil og få ein oversikt over kva for leksjonar som har arbeidskrav knytt til seg, og om oppgåvene er av praktisk eller teoretisk art, og om arbeida skal leggast ut i blogg eller ikkje.

Elles vonar eg de er godt i gong med portrettoppgåva. Det skulle vere mykje å henge fingrane i der. Send meg gjerne mail med foto av skisser/maleri dersom de føler for litt rettleiing.

Minner om at vi som kan prøver å møtast på Skype tysdagar frå kl 13:00.

Endring vedk. leksjon 1 i emne KOH 121

Melding frå Åshild om at leksjon 1 vert lagt ut fredag 25. februar

Hei
Då er dato for skriftleg fagdidaktisk eksamen sett.
Utlevert: mandag 9.mai
Innlevering: fredag 20.mai

Utlegging og innlevering vil skje i Fronter.

Hei og takk for sist!
Kan eg audmjukt be om at de alle sender nokre få linjer til meg på mail, som ei lita evaluering av oppstartveka? Vi vil gjerne ha både ris og ros. Skriv kort om organisering, omfang, aktualitet/utbytte av oppgåver og undervisning - Skriv det du har på hjartet!

Takk!
Åshild ashs@hivolda.no

Velkomen til samling!

Ynskjer dykk velkomne, nydusja og friske, tysdag 01.02, til eit føreløbig vinterkledd Volda. De skal tilbringe dagen i eit rom med det vakre namnet "Seanserommet". For at alle skal finne fram dit, samlast vi innanfor hovudinngongen i Kaarstadbygget (det gule murbygget) kl 09:15. Velkomne!

GODT NYTT ÅR!

Samling 1 vil starte opp 01.02. kl 09:15. Når det gjeld avrunding fredagen, kan de som skal reise med fly gjerne kome med innspel her, men eg foreslår at vi sluttar av klokka 14:00? Då skulle vel gjerne både bilande og flygande kome seg heim til fredagskrimmen :) Program for samlinga vil kome så snart Sissel, Janne og eg har blitt einige.